Alatoran_header  
Əsərlər > Elxan Zal Qaraxanlı > Kilsə zəngləri

Qübbəli səmanın mavi yuxusu
süzülür insanın könlünə rəng-rəng
zəng... zəng.
Əsrlər boyunca yatmış beyinlər
səhərdən axşama dərd çeynəyirlər,
bürküdən yuxulu ikonaların
dərdli gözlərindən bəng tökülür, bəng.
Zəng... zəng.
Sarı şam tıxayıb dərd şamdanlara
günahı pul kimi yığan ürəklər
tövbə günlərinin dualarında
asılmış cəsəd tək yellənir ləng-ləng.
Zəng... zəng.
Can verir Allahın günahsız oğlu
suçlu əllər yapan qara xaç üstdə,
bəlkə də xaç özü çarpaz günahdı
kilsə kümbəsinə qonub çələng tək,
Zəng... zəng.

                                                          1984