|
Orxan Fikrətoğluna Mənzil açıq gələn yox,Dərdimizi bilən yox, Duyğular cam içində Tovuzum məndən uzaq, İtib sehirli çıraq, Köhnə hamam içində. Orda məndən uzaqda, Nar qızarır budaqda, Quşlar verir səs-səsə. Taleyin möhnətindən, Bəxtsiz məhəbbətindən, Nəğmə deyir Ənisə. Həsrətim ələ gəldi, Mənimki belə gəldi, Didərginəm, didərgin. Tilsim-filan yalandı, Sındır min illik andı, Xilas elə məni, cin. Ağrı saatlarımda, Arzu qanadlarında, Apar məni o elə. Vətən ilahi səsdi, Bir içim suyu bəsdi, Yorğun cana təb gələ 1982 |
