Alatoran_header  
Əsərlər > Günel Mövlud > Yiyəsiz it

səhərlər
üzümə çırpılan külək – dərddir
dərdi yarıb yerimək
dərdi yaşamaqdan fərqli
bəlkə də çətin
bəlkə də asan
bilmirəm

hələ ki
səhərlər
çəpərlərin günəşə saçlarını daramalarına
arvadların həvəslə
torpağın üzünü jrmaqlamağına
sevinə bilirəm
susub içimdəki
qırıq sevgilər belə -
başlarını yuxarı
ulamaq istəyəndə qaldırır
yiyəsiz itlər kimi