Alatoran_header  
Əsərlər > Murad Köhnəqala > Şerdəki oğlan

Şerdəki sevgiyə baxma,
zaddı…
əslində sevgi erkəkdi

Qaldı ki…
şerdəkinə inanma,
şerdəki sevgilər
şeydi…
çox boynubükükdü
hərdən çox yoğundu
hərdən çox nərmənazikdi

Zaddı…
qorxağın biridi şerdəki oğlan
gopbazın yekəsidi

Nədi bunun adı…
ağlağan şeydi
başına vur əlindən al sevdiyi qızı
ağlağanın biridi
axmağın biridi şerdəki o…