Alatoran_header  
Əsərlər > Murad Köhnəqala > Bu Vətən

Torpaqları satdınız erməniyə, özünüz kefdə
Xaricə qaçmaq üçün pulunuz var seyfdə
Balalarımızın bel ətindən, antrikotundan yeyirsiniz müftə
Bəylər bu Vətəni nasıl qoydunuz?

Cavanlar Sibirə (qəbirə) alverə gedir
Maskalı OMON döyür, ölverə gedir
Qız gəlinlərimiz pul üçün osmanlıya, ərəbə əlverə gedir
Bəylər bu Vətəni nasıl geydiniz?

Kəndlərimiz xaraba, adamları uçqun
Millət yesir, piyada, hökumət legitim, seçkin
Üstəgəl mənim bu şerim publisistik coşqun
Bəylər bu Vətəni nasıl əydiniz?