Alatoran_header  
Əsərlər > Nərmin Kamal > Tort

bizim şəhərdə
narkotik satılan yerlər çoxdur
tort satılan yerlər də çox…
ancaq yalnız birində
bəlkə də dünyanın yalnız bir yerində
kakainli tort sifariş etmək olar
nizami küçəsi
dalan altı, ev yeddi
köhnə hamamın yanı
dadlı şirin xəmir
üzəri kivi ilə bəzədilmiş
ancaq zəhlətökən kremlər və ədviyyatlar əvəzinə
ad gününün tarixi və adın
bir aşbaz azərbaycan qadınının barmaqları arasından
kakain tozuyla səpilmiş…
qadın sifarişi tamamlarkən əllərini önlüyünə silmiş.