|
mən bir atom zərrəsiyəm görə bilməz anlaya sevə bilməzsən hirsimdən partlayaram qəbrim üstə göbələk bitər mən bir aorta damarıyam qan keçər məndən qan keçər milyon milyon güllə atsan yan keçər məndən yan keçər mən internet klubların aynalı qapısıyam kainatın dibi kometaların pasıyam kirayə evin küncündəki hörümçək toruyam mən ağac qabığı qabığın altındakı qurd qurdu yeyən ağacdələn quşatanla o ağacdələni öldürən fırtıqlı kənd uşağı həm də o uşağın atası babası yeddi arxadan dönəninyəm mən dünənəm keçmişəm artıq mən bu şeri yazan qələməm gecəyarısı vərəqlərin xışıltısına gəlir qaranlığın ac canavarları məni yeyib sümüklərim üstünə qoyarlar pəncərəmdəki çiçəkləri mən hirsindən oyulan motal pendiriyəm Bakıda Nizami küçəsində Nəsiminin heykəlinin yanında 100 il qabaq yəni indi gitarada osmanlı qızı Nazan Öncəlin "Getmə, qal bu şəhərdə" nəğməsini öz girdirmə ləhcəsiylə oxuyur rus balası Fedya məndə sığır iki cahan bəlkə elə Nəsimiyəm? |
